La vignetta per ils manaschis d'emprendissadi

Vignetta

La vignetta per ils manaschis d'emprendissadi è vegnida introducida l'onn 1997 en la Svizra romanda. L'onn 2004 è ella vegnida lantschada en tut la Svizra.

La vignetta è ina renconuschientscha ed in grazia fitg als manaschis d'emprendissadi per lur engaschi en la furmaziun professiunala. Ella è in bun instrument da marketing: Tgi che scolescha emprendistas ed emprendists po mussar quai cun la vignetta a sia clientella sco er a sias partenarias ed a ses partenaris da fatschenta.

Il tatgader radund po vegnir retratg en tut las quatter linguas naziunalas en trais grondezzas (diameter da 3,5 cm, 14 cm u 20 cm). Sin questa pagina d'internet stattan ultra da quai a disposiziun models electronics.

L'uffizi federal da furmaziun professiunala e da tecnologia (UFFT) surpiglia la finanziaziun ed edescha la vignetta per ils manaschis d'emprendissadi.

Ils models electronics

Il dretg da duvrar quests models han tut ils manaschis d'emprendissadi, q.v.d. ils manaschis che possedan ina permissiun da scolaziun ch'è actualmain valaivla.

Las vignettas vegnan messas a disposiziun en ils formats EPS, PDF PNG. Ina versiun en alv e nair è er avant maun per stampats sco palpiri da brevs u per il fax.

Models electronics_vignetta_rumantsch (7807 KB)

Utilisaziun da las vignettas per ils manaschis d'emprendissadi

I dat bleras pussaivladads per ils manaschis d'emprendissadi da duvrar la vignetta. Il tatgader po per exempel vegnir fixà vi da la porta d'entrada, sin la vaidrina, sin la chascha da brevs, vi da la cassa, sin l'auto da fatschenta u dapertut là, nua che uschè bleras clientas ed uschè blers clients sco pussaivel al vesan. Blers manaschis d'emprendissadi dovran la vignetta er en furma electronica sin lur correspundenza, sin lur pagina d'internet u en la signatura da l'e-mail.

Sin la sutpagina Informationsmaterial und Bilder zur Vignette chattais Vus fotografias dal diever da la vignetta.

Andament d'empustaziun per ils chantuns

Il center svizzer da servetschs per la furmaziun professiunala (CSCP), sectur da medias "furmaziun professiunala", infurmescha ils uffizis chantunals per la furmaziun professiunala directamain davart l'andament d'empustaziun. L'empustaziun tar il CSCP vegn fatga en mintga chantun sur la persuna da contact designada.

Bestellformular Kantone (deutsch) (177 KB)

Andament d'empustaziun per ils manaschis d'emprendissadi

Ils manaschis d'emprendissadi empostan la vignetta gratuitamain tar lur uffizi chantunal per la furmaziun professiunala.
Liste der Berufsbildungsämter

Material d'infurmaziun e maletgs davart la vignetta

Qua chattais Vus documents che pon vegnir surpigliads e duvrads libramain per publicaziuns, per rapports per las medias, per preschentaziuns e.u.v.

vinavant

INFO

Vignetta per manaschis d'emprendissadi

La vignetta per manaschis d'emprendissadi "Nus creain profis" ha survegnì ina nova parita il mars 2017 ed è vegnida munida cun ina vernisch che protegia cunter radis dad UV. Ultra da quai stat a disposiziun da nov ina vignetta englaisa per ils manaschis d'emprendissadi (orientads internaziunalmain).
Las vignettas pon ins retrair en furma electronica sur "Models electronics_vignetta_rumantsch" en differents formats da datas.

LINKS

Uffizis chantunals da furmaziun professiunala

Ils uffizis chantunals da furmaziun professiunala dad a fin z - cun adressa, telefon e link a la pagina d'internet.

Liste der Berufsbildungsämter